Di e forma aki Mariniernan a entrena preparando pa Aña Parlamentario

ORANJESTAD (AAN): Awe Diamars 13 di September, lo bay tin e Aña Nobo Parlamentario.

   Relaciona cu esey, trafico lo bay ta cera awe for di 7:30 am te cu 12:00 pm na e parti di Lloyd G. Smith Boulevard cu ta pasa dilanti oficina di Gobierno y Parlamento.

   Riba Dialuna mainta tambe, relaciona cu un ‘training general’, a cera e caminda aki tambe pa asina tanto personal di Marina Hulandes, por a haci un training di marcha, y haya sa tur protocol cu na tin di atene nan mes pa esaki.

   E actividad di Aña Nobo Parlamentario lo ta enfoca riba yegada di Gobernador, unda e ta baha y controla e militarnan, y despues ta bay paden y duna discurso den Parlamento.

   Edgard Vrolijk di MEP a wordo escogi Dialuna como President un biaha mas di Parlamento.