Victima fatal di accident...
ORANJESTAD (AAN): Diasabra atardi a tuma lugar entiero di Jeanemarc van der Biezen, kende riba Diahuebs 25 di Juni 2026 a perde su bida tragicamente den un accident riba Green Corridor na altura di Pos Chiquito.
El a bira e di ocho morto den trafico pa 2026, y Jeanemarc a bay laga su sernan keri, incluyendo dos yiu, y hopi amigo mes cu duele grandi na nan curason.
Na bida, e tabata un persona hopi admira y respeta cerca e compania Don’t Panic Transport, y pa tal motibo riba Diasabra atardi su entiero a tuma lugar, y despues el a wordo hiba pa su ultimo lugar di sosiego, cu un corteho funebre, unda su caha di morto a bay riba un Lowboy Trailer specialmente fura cu turf, y getrek pa trekker, cual a ser acompaña pa varios otro trekker y tambe gruponan di motorcycle, kendenan tabatin gran aprecio pa Jeanemarc. Paz na su restonan.
https://diario.aw/categories/noticia/general/di-e-forma-aki-a-hiba-jeanemarc-pa-su-ultimo-lugar-di-sosiego#sigProId743de1f8fb
