SAN JUAN: E graf di e salsero Héctor Lavoe na Ponce, cu ta keda parti zuid di Puerto Rico, a wordo daña pa hende desconoci, segun Polis di e zona a laga sa.
Polis a bisa cu un ciudadano a bay entrega keho di destruccion. E ciudadano aki William Robledo a bisa cu e base di e graf di Héctor Juan Perez Martinez (nomber di berdad di e cantante) na Santana Civil na Ponce, a sufri algun daño.
E persona cu a haci denuncia, a bisa cu e dañonan a wordo calcula na 600 Dollar. Polis Municipal di Ponce awor ta investigando.
Héctor Lavoe cu a nace den bario Belgica na Ponce, a cuminza descata den musica ora el a dicidi na muda pa New York.
Eynan, Héctor y demas gruponan di Willie Colon, Bobby Valentin, Willie Rosario, El Gran Combo de Puerto Rico, y Ismael Rivera a presenta casi semanalmente den clubnan manera El Corso, Broadway 96, y Casablanca durante decadanan di 1970 y 1980.
Héctor Lavoe a converti den un di e artistanan grandi di salsa pa su temanan legendario manera ‘Todo tiene su final’, ‘El Todopoderoso’, ‘Aquanile’, ‘El Cantante’, ‘Rompe Saragiley”, y “Paraiso de Dulzura”.
Héctor Lavoe a fayece debi na AIDS pasobra el a usa hanguanan sushi, dia 29 di Juni 1993 na Saint Clare Hospital na New York cu 46 aña di edad.
