Minister Geoffrey Wever
ORANJESTAD (AAN): Ministerio di Finansa, Asunto Economico y Sector Primario a anuncia cu desde 1 di september 2025 pa 10:30am por inscribi pa e 2 destaho publiconan di e prome fase di Argi-Innovation Park (AIP)na Departamento di Asuntonan Economico, Comercio y industria (DEZHI). Ultimo dia pa entrega oferta lo ta 1 di oktober 2025. Por haya tur speficacion di e dos destaho publico aki na Departamento di Asuntonan Economico, Comercio y industria (DEZHI).
- Factibilidad Economico I Businness Case AIP
Pa e prome destaho mester realisa un estudio di factibilidad economico y crea un businesscase pa Fase 1 (0–3 aña) di e Agri-Innovation Park Aruba (AIP). E tarea di esaki ta inclui e desaroyo di un modelo financiero y organisatorio cu ta inclui senarionan di invercion, gastonan di operacion, modelo di prijs di huur y recomendacionnan pa e formulario di exploracion y maneho.
Pa mas informacion I rekisitonan/publicacion oficial: https://www.gobierno.aw/anuncio-destaho-publico-factibilidad-economico-y-business-case
- Diseno I Modelo di maneho tecnico AIP
Pa e di dos destaho mester presenta e diseño y modelo di maneho tecnico pa Fase 1 (0–3 aña) di e Agri-Innovation Park Aruba (AIP), cu ta inclui e structuranan di e greenhousenan, infrastrucura, maneho di energia y awa, logistica, mantencion y diseño operacional.
Pa mas informacion I rekisitonan/publicacion oficial: https://www.gobierno.aw/anuncio-di-destaho-publico-diseno-tecnico-aip
Manera ta conci na mei ultimo a presenta na Minister Wever e resultado preliminario di un estudio importante tocante horticultura comercial ("commerciele kassteelt") cu ta pone Aruba un paso mas cerca na seguridad alimentario y sostenibilidad economico.
E estudio, aki a wordo realiza den colaboracion cu PRIVA, Santa Rosa, TWO-Aruba y Hulanda, y a sirbi como fundeshi pa e creacion di e Agri-Innovation Park: un centro di conocemento y produccion horticultural moderno cu lo traha pa futuro di Aruba.
“E Agri-Innovation Park no ta solamente ta un proyecto a corto plaso, e ta un inversion structural den nos futuro. Nos ta traha pa yega na mas independencia alimentario, crea mas oportunidad y cupo pa trabou y stimula un crecemento economico sostenibel. E proyecto no ta wordo desaroya pa competi cu horticulturnan actual, sino pa fortifica nan y crea mas espacio pa innovacion, cooperacion y crecemento. Mi ta contento cu awor nos t abai drenta e Fase 1 y mi kier a invita tur esnan cu kier entrega un oferta pa e destaho publiconan aki pa haci esaki mas pronto cu ta posibel,” Minister Geoffrey Wever a comenta.
