Michella Steenvoorde-Lacle, Presidente Comision Plan di Mayor
ORANJESTAD (AAN) –Michella Steenvoorde-Lacle, Presidente di Comision Plan di Mayor, ta sigui splica tocante e trayecto cu e Ley Plan di Mayor a sigui te cu awo e ta cerca Minister concerni.
“Na 2020 nos Comision a wordo estableci via un Decreto Ministerial. Pues, Minister a nombra nos pa ta e Comision pas aconsehe pa e ley aki y tambe pa e zorg proyectonan”, el a agrega. Manera ta conoci e Ley no a pasa ainda, pero awo e ta bayendo.
“Na Maart 2020 e nul meeting cu CBS a skirbi a bay Conseho di Minister, pa autoriza e Comision drenta scolnan, y departamentonan pa pidi cifra; na Juli CBS a entrena e hendenan pa nan por haci e survey, na September e concepto di e Memorie van Toelichting a keda cla.
E concepto di memoria ta un splicacion di e ley, anto el a bay pa Raad van Advies, el a bin bek for di RvA, nos a contesta su preguntanan , despues el a bay Gobernador y a bin bek cerca nos.
Nos a presente na e Comision Social di Parlamento na 2021, y tur e hendenan di oposicion cu no tabata presente, tabata tin tanto dia pa manda nan preguntanan por escrito. Nos a contesta nan preguntanan y di eynan a bay Departamento Huridico pa nan hinke den un nota di contesta, cu ta e contesta oficial na e preguntanan di Parlamentarionan. Esey a keda cla y awo ta na Minister”, el a relata.
