Joyce Pereira, presidente di Fundacion Lanta Papiamento:
ORANJESTAD (AAN) Joyce Pereira, Presidente di Fundacion Lanta Papiamento, den conferencia di prensa a afirma cu por mira un desaroyo den e 22 aña cu a pasa, despues cu Papiamento a bira Idioma Oficial, banda di Idioma Hulandes, no obstante e ta mira cu e desaroyo ta mucho poco, poco.
Esaki tin su motibo pasobra pa un generacion cambia ta hopi generacion mester a cambia y esaki ta debi cu henter e colonizacion a dura diferente siglo.
“Nos sa cu colonizacion kiermen cu e pais colonizado ta influencia e pueblo, pa e bira mas tanto posible manera e ideanan di e pais colonizado. Un punto importante na 1815 nan kier a elimina Papiamento, y establece Hulandes como idioma di e pais. Esey ta henter un historia cu nos lo trece dilanti durante e anochi di e celebracion aki”, Pereira a indica.
El a duna di conoce cu e ta refiriendo aki na e dos ╡charlanan cu Ramon Todd Dandaré a tene dos luna pasa, cu ta ilustra henter e desaroyo aki.
