KRALENDIJK: E isla di Bonaire lo bay regresa pa escenario di Miss Universe e aña aki, awor cu e oficina di Turismo di e isla a obtene e licencia pa participa den e certamen prestigioso aki.
Tourism Corporation Bonaire (TCB) a anuncia esaki e siman aki. Den pasado, nan a yega di manda un candidata dos biaha pa Miss Universe. Uno tabata na 1998 cu participacion di Uzmin Everts na e certamen na Hawaii, y e siguiente aña cu ta 1999 cu Julina Felida a bay competi na e certamen na Trinidad & Tobago.
TCB a indica cu nan tabata negocia cu Miss Universe Organization ultimo dos añanan pa rebiba e competencia di Miss Bonaire Universe. Pasobra Bonaire como un municipio special di Hulanda, no tabata wordo reconoci como pais pa port participa den Miss Universe individualmente. Pero awor na 2024, Bonaire ta wordo reconoci bek y por participa atrobe.
Segun Miles Mercera, kende ta CEO di TCB, a indica cu esaki ta un forma pa showcase Bonaire su cultura unico y su naturalesa na un audiencia global, pa reforza nan presencia internacional y promove nan dedicacion pa diversidad y sostenibilidad. Awor nan ta trahando caba pa escoge un reina.
E certamen di Miss Universe 2024 lo tuma lugar na luna di September na Mexico.
