ORANJESTAD (AAN): Ministerio di Labor, Energia & Integracion Departamento di Labor y Investigacion ta
informa encuanto oranan di trabao liber pa por eherce derecho di voto dia di eleccion segun e Ordenansa Electoral (Kiesverordening).
Articulo 39 Ordenansa Electoral: E votamento ta cuminsa 8’or di mainta y ta dura te 7’or di anochi.
Articulo 40 Ordenansa Electoral: (1). Tur dunado di trabao ta obliga di percura pa su trahado, cu tin derecho di voto, tin dia di eleccion durante e tempo stipula den articulo 39 pa vota minimo 4 ora di trabao consecutivo liber, a menos cu e trahado durante e oranan cu e eleccion ta tuma lugar ya caba tin 4 ora consecutivo liber riba un otro base. (2). E dunado di trabao ta obliga di percura pa mas tarda un siman prome cu e dia di vota, e tempo cu e trahado ta haya e oportunidad pa vota, worde pone na su conocemento.
lnterpretacion: Esencia di articulo 40 §1 di Ordenansa Electoral ta cu e dunado di trabao mester percura pa den su compania e trahadonan cu tin derecho di voto riba Diabierna 6 di December venidero haya por lo menos 4 ora consecutivo liber den e periodo cu local di votamento (stemlokaal) ta habri, pues entre 8’or di mainta y 7’or di anochi.
E pensamento tras di esaki ta cu tur trahado cu tin derecho di voto mester haya suficiente oportunidad pa haci use di esaki.
Excepcion: E trahado cu den e periodo cu local di votamento ta habri ya caba tin 4 ora consecutivo liber riba otro base (p.e. e trahado normalmente ta traha mita dia so of e trahado tin un shift hopi tempran of hopi laat), no por haci un apelacion cerca su dunado di trabao pa e 4 oranan di trabao liber.
Ehempelnan: (*) E votado cu ta traha di 7:30’or te 12’or di merdia y di 1’or te 4:30’or di atardi lo mester haya liber di 7:30’or te 11:30’or di merdia of di 12:30’or te 4:30’or di atardi. (*) E votado cu ta traha 'part-time' di 8’or te 12’or di merdia no por haci apelacion riba e 4 oranan di trabou liber.
Tambe: (*) E votado cu ta traha shift di 7 or di mainta te 3 or di merdia tampoco por haci apelacion nba e 4 oranan di trabou liber Esaki ta conta tambe pa e votado cu ta traha un shift di 12’or di merdia pa 8’or di anochi of un shift di 3’or di merdia pa 11’or di anochi.
Adicional na e obligacion di e dunado di trabou pa permiti su trahadonan cu tin derecho di voto e tempo fiber pa nan eherce nan derecho di vota, articulo 628 §4 y §5 Codigo Civil di Aruba ta stipula cu e trahado ta mantene su derecho nba salario pa e oranan liber cu e ta haya pa eherce e derecho aki.
Departamento di Labor y Investigacion ta pidi tur trahado y principalmente dunadonan di trabou pa tene bon cuenta cu e informacion aki.
