Nan ta bandona Santa Cruz
ORANJESTAD (AAN): Manera ta conoci, luna pasa e trahadornan di Departamento Practico di Examen Rijbewijs situa na Santa Cruz, a bay den welga debi cu nan no por mas cu e condicion den cual e edificio ta.
E situacion aki a pone cu Sindicato SPA tambe a envolvi su mes, pasobra loke e trahadornan ta haya nan confronta aden ta haci e eficiencia di e labor hopi dificil mes.
Pa e motibo ey, Departamento di Examen Rijbewijs ta bandonando e edificio aki na Playa.
Nan ta preparando pa muda, y pa Dialuna awo 18 di Mei 2026, tur servicio di Rijbewijs lo bay ta na Dominicanessenstraat 33, cu pa hopi hende ta conoci como e edificio unda antes Doc Opleiding tabata situa.
