Solucionnan Innovativo pa Pobreza na Aruba, Latino America y Caribe
ORANJESTAD (AAN): Departamento di Trabao Social y Desaroyo di e Facultad di 'Arts and Science' di Universidad di Aruba ta invita publico na un conversacion riba e tema: “Solucionnan Innovativo pa Pobreza na Aruba, Latino America y Caribe.” E evento lo tuma lugar dia diahuebs 12 di juni 2025 di 7:00 pm te 9:00 pm na Biblioteca Nacional Aruba.
E evento aki ta un parti di e Exposicion 'Framing Social Problems and Solutions Photo Exposition', un iniciativa dirigi pa studiantenan di e curso di e 'Bachelor’s program for Social Work and Development'. Como parti di nan estudio, e studiantenan ta investiga problema social na Aruba y den e region, aplicando teoria sociologico pa compronde e rasonnan fundamental y propone solucionnan sostenibel. Potret selecciona representando pobresa lo ta na exposicion durante e combersacion publico.
Obhetivo di e combersacion Publico:
Investiga e causa raiz di pobresa
Discuti metodo innovativo pa reduci pobresa
Saca den luz e rol di gobierno, CEDE Aruba, organizacionnan di comunidad, iniciativa di hubentud y participacion di ciudadanonan
Inspira studiantenan di Trabou Social pa tuma un rol activo den combati pobresa
Oradonan Principal:
Daniel Tecklenborg, Director, CEDE Aruba
Louisette Christiaans-Yarzagaray, Policy Advisor, Planificacion pa Desaroyo Sostenibel (SDP)
Gayle Arendsz, Policy Advisor, Departamento di Asunto Economico, Comercio y Industria (DEZHI)
Studiantenan di Trabou Social, Universidad di Aruba
Moderador:
Ghislaine Nicolaas, Docente Part-Time, Departamento di Trabou Social y Desaroyo
E evento aki ta gratis y habri pa tur hende. Ta invita miembro di comunidad, profesionalnan, y studiantenan pa participa den e dialogo importante aki pa duna forma na un futuro mas husto por medio di innovacion y colaboracion.
