ORANJESTAD (AAN): Departamento di Impuesto ta avisa comunidad pa tene cuenta cu algun deadline importante pa dia 30 di juni 2021.
Grondbelasting
E prome y di dos termino di pago di e cobransa di grondbelasting 2021 ta caduca dia 30 di juni 2021. Pa e fecha aki mester paga 50% di e suma di cobransa di grondbelasting 2021. Si un contribuyente no ta alcansa pa haci e pago manera stipula pa ley, e ora ta consehabel pa cera un areglo di pago promer cu e fecha di 30 di juni 2021.
Entrega plach’i number
Pa e vehiculonan cu no ta den uzo pa un tempo largo (mas cu 3 luna), ta consehabel pa entrega e plachinan di number. Den e caso aki e contribuyente lo por bin na remarke pa haya dispensacion di impuesto.
Sanea debe di impuesto bieu
Ricibi 30% di descuento riba debe di impuesto bieu, pagando e debe den un solo biaha. Ultimo dia pa entrega e peticion ta 30 di juni 2021. Por manda e peticion via mail pa e funcionario publico (invorderingsmedewerker) concerni cu ta atende cu cobransa di impuesto.
Peticionnan cu drenta despues di 30 di juni 2021 lo no por wordo trata. DIMP ta conseha pa lesa e condicionnan stipula na punto 10 di e Plan di Alivio Fiscal, parti 2.
