Nan ta situa awor riba piso 5 di e toren nobo ---
ORANJESTAD (AAN): Dr. Horacio Oduber Hospital a anuncia cu nan Departamento di Cuido Intensivo a habri nan siman den un localidad nobo situa riba piso 5 di e Toren nobo, esta Toren B.
Un localidad mucho mas espacioso, moderno y cu un bista di cinco strea di nos dushi isla di Aruba.
Diadomingo un team di colega di diferente departamento di HOH a percura pa e mudamento bay mas placentero, safe y rapido posibel. Un logro mas pa Aruba y cuido medico en general! Pabien team di ICU, pabien Dr. Horacio Oduber Hospital.
