Departamento di Asunto Social cu encuesta tocante bida familiar

ORANJESTAD (AAN): Departamento di Asunto Social como miembro di e Taskforce pa Derecho di Mucha den Reino,

cu sosten tecnico di UNICEF Nederland y Centraal Bureau di Statistiek (CBS) Aruba, ta realisando un encuesta pa colecta dato cu lo yuda den esfuersonan pa mehora e bienestar y proteccion di mucha den henter Reino, pues tambe na Aruba.

   E encuesta aki ta un paso importante pa compronde mas miho con nos por garantisa un futuro mas sigur y saludabel pa tur mucha den nos comunidad. Den e periodo di 24 te 30 di oktober 2025, encuestadornan entrena door di UNICEF Nederland y CBS lo bishita lugarnan publico pa haci entrevista cu posibel mayornan of familiarnan cu tin responsabilidad di cuido di un menor.

  E intension ta pa entrevista mas hopi persona cu ta posibel di tur parti di Aruba. E personanan autoriza pa haci e entrevistanan lo ta facil pa reconoce, door cu nan lo ta bisti cu uniform shinishi cu tin e logo di Taskforce Derecho di Mucha y tambe nan lo tin un carnet di identificacion cu nan nomber y portret riba dje.

   Tur informacion colecta lo keda anonimo y confidencial y lo worde uza solamente pa propositonan investigativo. Un peticion special ta bay na comunidad pa colabora den e encuesta aki pa asina hunto nos por traha na un Aruba mas sigur pa nos muchanan.

   Pa mas detayenan tocante e estudio aki, por tuma contacto cu señora Sacha Geerman na Departamento di Asunto Social na: This email address is being protected from spambots. You need JavaScript enabled to view it.