Un factor politico, un caso moral y Dios como testigo cu Aruba ta prome - Despues di un bofta pa Ley y Parlamento cu Citgo, AVP ta bolbe trapa riba honor - Despues di Caso Fondo Desaroyo Nobo San Nicolas awe AVP ta bolbe skirbi historia
ORANJESTAD (AAN)- Na momento cu ayera Benny Sevinger a bandona prison, caminda e tabata den detencion preventivo, el a mustra cu el a keda eligi pa drenta Parlamento di Aruba y cu e lo presta huramento.
Kico ta pasa realmente na Aruba awe?
Ora papia di Aruba , no ta papia di un republica di banana crea pa dictadornan manera demasiado bes ta mira den e region di Aruba.
Ora papia di Aruba ta papia di un Estado di Derecho, un pais basa completamente riba ley cu ta encera e parti moral, cu lo dicidi con hende lo atende cu hende y nan pais.
Como Ministro di Aruba, Benny Sevinger a base di su huramento como Ministro, tabata encarga cu terenonan di Aruba cu segun acusacion cu a wordo investiga door di Husticia, lo por a wordo entrega y atende contra ley.
Investigacionnan a cuminsa no solamente pa e parti cu hende a haya tereno cu segun ley nan no tabata tin derecho di haya. Benny Sevinger ta wordo acusa di falsificacion di documentonan pero tambe organisacion criminal.
Landsrecherche di Aruba a haci su trabou y Ministerio Publico a mira necesidad di habri un investigacion penal a base di e prome investigacionnan di Landsrecherche cu mester busca prueba entre otro.
E acusacionnan contra Benny Sevinger a pasa di e sospecho cu el a comete un acto criminal pa e acusacion oficial cu e ta sospechoso principal den actonan criminal cu segun e acusacion a tuma luga a base di organisacion criminal.
Esaki ta nifica cu no ta acusa Benny Sevinger di algo incidental, pero di algo organisa y esaki a haci cu diferente persona a wordo detene y keda encarcela como parti di e caso penal cu awor lo mester bay wordo trata den Corte di Husticia, caminda un veredicto mester dicidi pa Benny Sevinger y tur otro acusado.
Pues acusacion oficial a conduci na e detencion preventivo di Benny Sevinger. E partido AVP, cu ta glorifica su mes como partido di cantidad di hende intelectual y hende cu conoce ley, no solamente a haci cu durante investigacion di su persona Benny Sevinger a keda miembro di Parlamento, pero a pone Benny Sevinger como su candidato pa bolbe drenta Parlamento.
Un accion a wordo tene pa hende vota pa Benny Sevinger. Un accion dirigi pa Mike Eman como lider di e partido, cu directamente a pidi Pueblo pa vota pa un acusado y duna Benny Sevinger como detenido un trabou sigura den Parlamento siendo cu e ta den Prison.
Si Benny no por a cuminsa traha y cuminsa gana placa di e Pueblo di Aruba den Parlamento, ta pasobra Gobernador asertadamente a mustra cu e no por traha como Miembro di Parlamento for di Prison.
Un Ley Aruba no conoce pa e caso aki, pasobra nunca algo similar a pasa na Aruba, caminda un trahador ta wordo suspendi di su trabou den Gobierno of na un empresa priva si e ta sospechoso y sigur ora e wordo detene.
Mester bisa cu Benny Sevinger no tin libertad total loke y cu e ta den libertad condicional. Pues un persona den libertad condicional, acusa di un asunto penal, mester bay huramenta, pues tuma Dios como testigo cu e ta traha na interes di Aruba, cu un cara herida den Pueblo.
Un pais cu un moral halto, awor mester traha riba un ley pasobra un persona cu ta den libertad condicional, ta bay representa Pueblo di Aruba.
Awe politica, e alma di democracia, ta wordo uza dor di AVP, cu awe mester splica Pueblo con e caso Fondo Desaroyo Nobo San Nicolas den cual tres Ministro di AVP a wordo condena dor di Huez, a termina riba un beach.
Kico un mayor ta splica su yiu awe? Unda moral di e Arubiano a keda? Awe Aruba y Reino Hulandes ta den noticia mundial. Benny Sevinger, lo ta back to back cu Mike Eman atrobe, ora e hisa dos dede y uza Dios como testigo cu e lo traha na interes di Aruba den Parlamento, mientras e moral tras di nos sistema di husticia ta wordo kibra y mundo democratico ta cuestiona Aruba.
Awe Parlamento cu a wordo pisotea dor di Mike Eman y su Gobierno ora a kibra Ley pa trece Citgo y a kibra Ley di Contabilidad cu ta exigi bon gobernacion di e pais hunto cu Benny Sevinger segun e rapport Bo Aruba, ta den noticia mundial.
Parlamento cu ta representacion di Pueblo y ta paga pa Pueblo di Aruba sikiera wordo respeta! Den lachi un rapport ta hari. E rapport di Refineria di Aruba otro obra di Gobierno Mike Eman!
