Den fin di siman 8,474 vacuna a wordo aplica

ORANJESTAD (AAN): Den fin di siman a tuma lugar e di dos edicion di e Vacunathon. Por bisa cu prome cu e vacunathon, Aruba a yega na e cantidad di 60 mil persona vacuna, locual ta un tremendo logro.

Den weekend, pa loke ta e Vacunathon II, no a pone un meta specifico pero mas cu claro, e meta ta pa alcansa e 85% di 'herd immunity' of inmunidad comunitario.

Aruba ta na caminda pa yega na e meta di un 85% y cu e Vacunathon II a yega na 62%.  

  E ultimo informacion ofreci door di DVG 5'or di atardi ta indica cu a cera e Vacunathon II cu un total di 8,474 vacuna aplica. A haya e prome shot: 1,809 (27%), e di dos shot: 6,665 (77%).

E Vacunathon den su di dos edicion a surpasa e cantidad di vacuna duna durante e prome Vacunathon (7.101). Esaki sigur ta un cifra di elogia.

Potretnan: Facebook Page Directie Volksgezondheid DVG Aruba