ORANJESTAD (AAN): Den e temporada di calor aki, ta bon pa tene cuenta cu cierto consehonan importante pa evita bira malo.
Deshidratacion ta algo hopi comun den temporada aki, y ta aconsehable pa tur hende pa bebe specialmente awa, si esaki no ta posible, un otro likido. Awa di coco tin hopi mineral cu por yuda hidrata e curpa. Juice y refresco tin hopi sucu, si por mescla esaki cu awa of sikiera bebe esnan sin sucu.
Pero nos hendenan ta gusta bebe juice, cual por haci’e door di mezcla e awa cu e juice. Aruba su hendenan ta gusta bebe cosnan juice, pa cual nan ta cuminsa sufri di sucu. Mester corda cu demasiado sucu tampoco ta bon pa e curpa y lo por causa mas sed.
Expertonan ta conseha pa bebe 7 pa 8 glas di awa pa dia, pero mas den temporada calor. Bebemento di awa di mas tampoco ta bon, ya cu esey lo forsa e curason pa pomp e exceso di likido for di bo sistema.
Purba di ta menos pafor den oranan 'peak' di solo, entre 11'or pa 4'or, specialmente e grandinan y muchanan chikito cu ta mas facil pa deshidrata. Y no lubida di hunta un sunscreen di por lo menos di spf 50 bay ariba. Bisti pañanan color cla y mas tanto di katuna, pañanan scur ta trek e solo y bo curpa lo produci sodo pa baha su temperatura.
