Den e mundo di awendia ta esencial pa bo cuminza colecta awa na cas

ORANJESTAD (AAN): Awa ta importante y esencial den bida.

Aki ta sigui algun idea cu nos Departamento di Agricultura, Cria y Pesca ta sugeribo pa haci. Ban tene tur na cuenta.

    Semper ta bon pa tin un sistema cu cada momento cu awa yobe, bo por colecta esaki na bo beneficio.  Hopi ta esnan cu ta encanta ora awa ta yobe. Claro cu esaki por trece poco frescura y baha e calor cu ta haci.

   Matanan ta haya poco awa y asina sigur Aruba por mustra un poco mas berde. Matanan cu mesora ta haya flor y sigur bo por tin e spreransa di haya poco fruta.

   Damnan tambe tin lugar pa mas awa y asina nos agricultornan local por probecha di esaki.  Manera por tuma nota cu e lunana cu supuestamente awa mester a yobe mas, esaki no a tuma luagr suficiente den luannan di november of december pa yena e Damnan. Kiermen di awor padilanti mester cuminsa pensa con pa colecta awanan di washmachine of airco.

   Pesey  yega e momento cu nos mester cuminsa pensa con nos por bay colecta poco awa. Cu un poco inversion bo por yuda bo mes spaar poco awa. Eta sigur hopi importante pa yudabo spaar poco awa.

   Pa colecta awa kisas e mas liher y fasil ta e barinan di plastic. E por worde uza pa colecta awa envez di construi un regenbak.. Mas mihor lo ta si e tin su tapa pa asina bo no crea un criadero di sangura cu por trece un otro problema pabo. Por haci uzo di tshirtnan  pa asina bo por tapa e bari y evita criadero di sangura. Por haci uzo di netnan manera di bentana pa por tapa esaki tambe. Pa esakinan por bishita un “Hardware Store” y wak kico lo cumbinibo pa uza  pa traha manera un tapa pa e bari.

   Locual tambe lo ta ideal ta e tankinan blanco di 1.000 liter cu ta worde bendi na diferente compania cu ta importa esakinan. Ta suerte mester tin pa por haya uno y percura pa laba esaki bon prome cubo pensa di uze pa bay colecta awa di yobida. Claro cu esaki tambe mester percura pa e ta bon tapa pa sangura. Por uza e mesun metodonan manera ariba menciona pa tapa.

   Na momento cubo tin awa colecta esaki por yudabo baha bo gasto di awa di WEB Aruba NV.  Cu e awa aki bo por muha bo matanan pa varios siman.  Por laba auto y tin hende ta uze pa laba paña. Claro mas hopi awa bo tin colecta mas beneficio bo por tin cu esaki.

   Un otro sugerencia ta colecta awa di Airco. Cua cas na Aruba no tin Airco?. Ta casi imposibel awendia pa por drumi anochi si no tin un Airco instala den un of mas camber di e cas. Airco awendia no ta un luho mas, pero un nesecidad di e calor sofocante cu nos ta biba den diariamente. Un Airco por produci un average di entre cuater cu cinco gallon di awa pa dia. Awendia casnan ta consisti di dos of tres camber y cada camber cu nan Airco. Mas grandi den BTU e airco ta  mas awa eta produci. Den caso cubo tin hemchinan manera di verf di 5 Galon bo por colecta e awa aki sin ningun problema.

   Awendia den e tempo moderno aki tin algun companianan di construccion por dunabo e idea y conseho pa por haci coneccionan di tubo riba tur e airconan cu por tin na cas y manda tur e awa den un tanki septico pa colecta. Imaginabo den un luna di tempo cuanto awa lo bo por tin colecta. E awa aki ta limpi y fresco y por worde uza tambe riba bo matanan cubo tin planta sin problema.

   Tuma nota cu e awa di washmachine tambe por worde colecta. Solamente awendia mester pone bon atencion riba e tipo di habon ta worde uza pa laba paña. Ora di bishita un supermarket pa cumpra e habon tuma bo tempo un rato y controla si e habon ta “Biodegradable”. Esey ta nifica cu na momento cubo pone e habon den e awa pa laba e paña ta na e momento ey so e habon tin efectividad den e awa.

   Na momento cu e awa bay afo of riba e matanan e no tin ningun efecto riba e mata y tampoco riba e tera. Por muha bo matanan sin ningun efecto of daño alguno. Mester corda tambe cu e awa di habon aki ta haci e tera duro rond di e mata. Lo ta bon pa cada tanto tempo por pasa un “Chapi of un Halado of algo cu por los e tera back pa e raiznan di e mata por hala rosea.

   Esaki ta algun punto importante cu kisas lo ta bon pa tene na cuenta. Colecta poco awa e uze conciente riba bo matana uzando un sistema di irigacion cu ta yudabo tambe spaar e awa.

   Colecta, Spaar y uze conciente pa baha gasto dibo uzo di awa diariamente.  Un conseho di Departamento di Agricultura, Cria y Pesca Santa.