Surella Croes, Beleidsmedewerker di DMH a splica:
ORANJESTAD (AAN) – Desde aña 1997, e Ley di Regulacion di Centronan di Cuido di Mucha, a pasa unanimamente den Parlamento, y desde e tempo ey a canta “e ley ta bin”, “e ta bin pronto”, pero te 15 di Augustus ultimo, e ley aki a drenta na vigor, oficialmente. Asina Surella Croeze, Beleidsmedewerker di DMH, a bisa den entrevista cu DIARIO.
Kiermen cu e centronan ta na haltura desde aña 97 cu tin puntonan ta bay bin, cu nan mester atene nan mes na dje, cuminza eleva nan mes, haci pregunta, hasta tin un manual cu a wordo saca, no oficial, cu aunke no tabata completo por a haya sa den ki direccion ta suppose di cana nan caminda pa nan centro.
Croeze a splica tambe cu loke DMH a haci ta ahusta e puntonan cu mester a ahusta, pa e ley a drenta na vigor, loke a tuma lugar y esey ta paso 1. Pero tanten nan a haci esey, nan a traha tambe un manual; un 'handleiding' pa centro di cuido di mucha y esaki a wordo distribui na tur e centronan y a puntra tambe pa nan input pa wak kico nan mes ta pensa di e manual.
No ta den Haag so a traha riba e manual aki, DMH a trahe conhuntamente cu DVG, Brandweer, Fundacion pa Nos Muchanan, y nos a purba di scucha tur hende y hinca un manual den otro y e ta asina bon poni cu e centronan por check ki nan tin y kico falta y asina nan por cumpli cu mayoria di e puntonan.
“E manual ainda no ta papia completamente riba e aspecto pedagogico, con pa anda cu e mucha, y cu cada tres aña nos por ahusta e manual aki. Awo ta solamente e parti fisico y e structura di e centro. Pues, e centronan tin te cu December di aña 2025, pa nan por haci nan ahustacionnan. DTI ya a pasa un rond aña pasa caba, nan a tira un bista, duna nan ‘verbitten punten’ anto despues di esaki nan ta bolbe bin, controla, wak si nan a cumpli cu esaki, y nan tin te December 2025 pa nan por cumpli” Surella Croeze a reitera.
Croeze a agrega cu otro punto di e manual ta cu e cabezantenan di centro di cuido di mucha mester tin un MBO diploma, tin un grupo di 52 studiante cu ta cabando nan MBO-3 na December proximo. Esnan cu no tine ainda, por haci un MBO-3 y caba esaki prome cu December 2025.
