Parlamentario Christiaans-Yarzagaray (MEP):
*E grupo di 60+ tabata 88,2% di e total
ORANJESTAD (AAN): For di datonan di Oficina Central di Estadistica por tuma nota di cantidad di fayecimento over di e diferente añanan apesar cu data di 2023 total no ta disponibel ainda, si no ta registra oficial te cu kwartaal 3.
Tur cos ta mustra caba si cu aña 2023 lo bay resulta rond di 800 cu ta mustra di bay ta menos cu e aña anterior segun Parlamentario Christiaans-Yarzagaray. E data 2023 lo ta disponibel pronto segun Centraal Bureau voor de Statistiek (CBS).
E siguiente tabel ta ilustra e cifranan di fayecimento di CBS desde 2015 te cu 2023 pa un rango di edad, ilustrando e cantidad di fayecimento durante e periodo aki cu ta splica pa su mes.
E data ta mustra e total di fayecimento pa aña 2022 ta 879 mientras cu e aña anterior esaki tabata 964. Pues aña 2022 su resultado ta 8.8% menos cu 2021.
CBS a calcula un indicador tambe cu ta e averahe di fayecimento entre 2015 y 2019 (pre-Covid) cu ta ‘Oversterfte’ cu ta resulta di ta 719 over di 5 aña. Si compara e dato aki cu 2022, ta significa un subida di 22,3%. Pero e ora mester investiga e motibonan sin lubida cu desde 2020 Covid ta hungando un rol.
Pa ricibi poco mas informacion di esaki Parlamentario Setty Christiaans-Yarzagaray a contact CBS, cu na su turno a informa cu nan ta analisando e dato aki y ta bezig cu DVG pa esaki.
Un factor cu por observa den e tabel aki ta e hecho cu ta nos grandinan ta esunnan cu mas ta fayece. Esaki ta bin door cu poblacion di Aruba ta den su ‘vergrijzing’ pues enbeheciendo. Ta informacionnan sigur cu ta yega na Parlamento di diferente instancia, entre otro di SVB.
E parti di ‘Oversterfte’ ta un tendencia mundial aunke naturalmente mester investiga si tin otro motibonan, si por ta door di malesanan cronico manera presion halo, diabetes, etc.
Pa un analisis mas detaya lo warda riba e investigacion entre DVG y CBS y no lo bay hunga cu emocion of sentimento di nos pueblo cu ta no etico’ segun Parlamentario Christiaans-Yarzagaray.
Mas hende grandi ta traduci su mes na mas fayecimento den cierto sentido. E grupo di edad di 60 aña plus ta mas cu 80% di fayecimento na Aruba. Tambe segun data di CBS entre 2015 te cu 2023 un total di 8,035 di e gruponan a bin erbij.
