Delegacion UNOPS di Nacionnan Uni na Aruba pa check con ta construi un prison nobo

ORANJESTAD (AAN): Husticia ta mas cu solamente siguridad: E ta trata di siguransa, dignidad y solucionnan di largo plazo pa nos comunidad.

   Diahuebs Minister di Husticia, Integracion, Transporte Publico y Energia mr. drs. Arthur Dowers, a ricibi un delegacion di United Nations Office for Project Services (UNOPS) pa explora e posibilidadnan pa desaroya un centro coreccional nobo na Aruba.

   Tabata durante e bishita di Minister Dowers na Sint Maarten en conexion cu e Justitieel Vierlandenoverleg, cu e mandatario di Husticia a reuni cu ehecutivonan di UNOPS, anticipando nan bishita y presentacion na Aruba.

   E presentacion a enfoca riba factibilidad, riesgonan potencial, calculacion preliminar di costo y e pasonan necesario pa sigui di un manera responsable.

   UNOPS ta duna asistencia tecnico pero tambe supervision financiero pa cu proyectonan publico tur rond mundo. Durante e reunion, UNOPS a comparti informacion inicial basa riba standardnan internacional, construccion sostenibel y planificacion di largo plazo.

UNOPS ta traha na nivel global cu gobierno pa entrega proyectonan di infrastructura compleho cu transparencia y eficiencia.

E reunion aki ta marca un paso importante den explora cuidadosamente solucionnan cu ta fortifica e sistema di husticia di Aruba, manteniendo siguransa, humanidad y sostenibilidad como punto centra