ORANJESTAD (AAN): Algun siman pasa, un delegacion di Tweede Kamer di Hulanda tabata na Aruba.
Nan tabata hopi interesa pa haya sa mas di e status actual di economia di e isla. Como parti di nan bishita, nan a pidi pa reuni cu Camara di Comercio y demas stakeholdernan importante pa asina interactua directamente cu sector priva.
Durante e discusionnan aki, a elabora riba algun retonan grandi cu ta impactando e clima di negoshi na Aruba. A papia di: (*) Scarcedad di trahador. (*) Gastamento di Gobierno. (*) Costo halto di haci negoshi. (*) E necesidad grandi pa progreso riba e Rijkswet di Supervision Financiero riba Aruba.
Camara di Comercio a enfatiza e urgencia di atende e puntonan aki, y a haci un suplica pa haya sosten pa por mustra nan apoyo pa e firmamento oficial di e Rijkswet.
