PARAMARIBO: E delegacion di e Vaste Kamercommissie Binnenlandse Zaken di Tweede Kamer na Hulanda,
a haci un bishita na president di Suriname, esta Chandrikapersad Santokhi.
Miembro di delegacion Sylvana Simons a bisa cu esaki tabata un privilegio di a tene un encuentro riba tur sorto di tema cu e hefe di estado Surinameño na e palacio presidencial.
E encuentro aki tabata centraliza riba e temanan cu e bishita ta rondona, esta esclavitud y e pasado colonial.
“Pero tabata fortuna cu tabatin espacio pa discuti asuntonan actual, cu den algun caso ta relaciona tambe cu e pasado ey,” segun Simons a laga sa.
El a mustra cu semper unda cu por ofrece disculpa di Hulanda, mester tin tambe un boluntad pa acepta nan. Tambe mester tin consensus riba unda tin di presenta e disculpanan aki, cu ki meta y den ki forma. Simons ta considera cu ta hopi importante pa intercambia di idea pa asina por yega na e acuerdonan aki. Pesey e bishita na President Santhokhi mester wordo considera tambe como uno den e contexto aki.
