Defensa di Caribe Hulandes tambe a celebra cu Marina Colombiano na Cartagena

ORANJESTAD (AAN): Siman pasa, un delegacion di Defensa di Caribe Hulandes tabata presente na ciudad di Cartagena na Colombia, pa asina presencia e celebracion di 200 aña existencia di Marina Colombiano.

   Generaal Frank Boots di Defensa Hulandes, a atende e Parada Militar Colombiano grandi, y a bishita tambe e Sail Festival.  El a bishita e buque di scol ‘ARC Gloria’, y tabata presente ora cu a introduci e boto nobo di Guardacosta di Colombia.

   Den area di Caribe, Defensa di Caribe Hulandes como tambe Wardacosta di Caribe Hulandes ta traha hopi hunto cu Marina Colombiano.  Tanto ora cu ta intercepta y gara narcotraficantenan riba Lama Caribe.  Pero nan por yuda otro tambe durante momentonan cu tin mester di yudanza humanitario debi na un desastre di naturaleza.