ORANJESTAD (AAN) – Guy Ryder, Director General di e Organizacion Internacional di Trabao, a emiti su declaracion riba Dia Mundial di Seguridad y Salud na Trabao, cu ta wordo celebra awe Diaranzon 28
di April.
“Desde cu a surgi como crisis mundial, na cuminzamento di aña 2020, e pandemia di Covid-19 a repercuti profundamente, den henter e planeta.
E pandemia a incidi den casi tur aspecto di e mundo laboral, for di e riesgo di transmision di e virus den e lugarnan di trabao hasta e riesgonan relaciona cu e seguridad y salud na trabao “SST”, cu a surgi como consecuencia di e medidanan pa mitiga e propagacion di e virus.
E re-orientacion dirigi na maneranan nobo di trabao, manera e generalizacion di e tele-trabao, a ofrece hopi oportunidad, pero alavez a plantea riesgonan potencial pa e SST, particularmente riesgonan psicosocial y violencia.
E Dia Mundial di Seguridad y Salud na Trabao 2021, ta centra su mes den potencializa elementonan di un sistema di SST, tal y como ta estableci den e Convenio riba e marco promocional pa e seguridad y salud laboral, 2006. E informe di e Dia Mundial ta examina con e crisis actual a pone di manifiesto, e importancia di fortalece e sistemanan aki di SST, incluyendo e servicionan di salud na pia di trabao, tanto den e plan nacional como empresarial.
OIT ta probecha e oportunidad aki pa sensibiliza e opinion publico y pa stimula e dialogo riba e importancia di crea y inverti den sistemanan di SST resiliente, basa den ehemplonan regional y nacional, pa mitiga y preveni e propagacion di Covid-19 na pia di trabao”, Ryder ta conclui.
