Deaxo Croes ta cla pa su hazaña historico di crusa lama entre Bonaire y Corsou

ORANJESTAD (AAN):  E fin di siman aki, e conocido atleta Deaxo Croes lo bay den historia ora cu e lo ta landando na lama entre e islanan di Bonaire y Corsou, pa un distancia di 70 kilometer.

            Deaxo a prepara hopi bon pa e dia special aki. Diaranson el a sali cu su team den boto rumbo pa e isla di Bonaire pa asina prepara tur cos pa e magno evento aki.

            Deaxo lo ta e prome landado cu lo realiza e hazaña aki di landa entre Bonaire y Corsou.

 El a bay acompaña pa su Team di Crossing for Prevention.

            Deaxo lo cuminsa crusa lama 2 or di madruga dia 19 di November y ta spera su yegada na Corsou entre 3 pm y 6 pm di diasabra.  DIARIO ta desea Deaxo hopi exito!