ORANJESTAD (AAN): Diabierna 10 di september 2026, Federacion Dutch Caribbean Mental Health (DCMH) ta organisa na Corsou e ‘Suicide Awareness & Prevention Seminar 2026’.
Profesionalnan, organisacionnan y partnernan social di henter Caribe ta invita pa participa na e encuentro regional aki bou di e tema “Together in Prevention, Together in Hope.”
E seminario ta tuma lugar riba World Suicide Prevention Day na University of Curaçao Dr. Moises da Costa Gomez. Durante e dia lo pone enfasis riba conscientisacion, intercambio di conocemento y fortalece e colaboracion pa prevencion di suicidio den region di Caribe. Pa esnan cu no por ta presente fisicamente, e programa di mainta lo ta disponibel gratuitamente online via livestream.
Durante e seminario profesionalnan y expertonan lo comparti nan conocemento, experiencia y perspectiva tocante prevencion di suicidio. E encuentro ta brinda espacio pa siña di otro, intercambia conocemento y informacion practico y sigui fortalece e conexion entre organisacionnan, sectornan y e diferente islanan.
Cu e tema “Together in Prevention, Together in Hope”, DCMH ta enfatisa cu prevencion efectivo di suicidio ta rekeri conexion y colaboracion: entre tur persona, profesionalnan, organisacionnan y entre e diferente islanan den Caribe.
Pa mas informacion tocante e programa, oradornan, livestream y registracion, bishita e website di Dutch Caribbean Mental Health Federation: https://l1nq.com/i03wbrq
