ORANJESTAD (AAN): Departamento di Asunto Social kier a informa e comunidad di Aruba cu basa ariba e decision di Ministerio di Asunto Social,
desde 1 September 2026 e suma di sosten pa articulo di scol a aumenta cu 50 Florin. Esey ta loke Marceylaine Paskel, relacionista publico di DAS a indica.
Cada september di aña, e cliente cu entrega declaracion di scol na tempo, lo ricibi 300 Florin te un maximo di 1.200 Florin pa famia.
Pa Departamento di Asunto Social ta hopi importante sostene e comunidad di Aruba na e momento cu mas nan tin necesidad di esaki. Pa cu esaki, Departamento di Asunto Social ta informa tambe cu DAS a ricibi 378 declaracion di scol na tempo, di cual e clientenan a ricibi e aumento e aña aki caba.
Ademas, seccion di Guia Social a sostene 261 mucha y hoben cu recursonan necesario pa scol.
Den e forma aki, DAS ta reafirma su compromiso pa sigui traha creando e bienestar pa tur hende.
