Darlene Guedes-Erasmus ta contento di por traha un biaha mas pa bienestar di Aruba

ORANJESTAD (AAN): Darlene Guedes-Erasmus di partido MEP ta hopi contento di ta bek den Parlamento.

Esaki el a expresa na DIARIO despues cu el a huramenta na Cas di Gobernador.

“Mi ta contento di por traha un biaha mas na bienestar di pais Aruba y na bienestar di tur hende”.

Mi ta sintimi hopi contento cu awor cu mi ta den funcion di Parlamentario mi por sigui traha, segun Guedes-Erasmus.

El a sigui bisa cu e lo enfoca sigur riba e area social, mirando cu esey ta su background y su pasion.

“Banda di e area social mi lo duna tambe atencion na tur otro area, mirando cu como parlamentario bo mester sa sikiera un tiki di tur cos”, segun e parlamentario di MEP.