ORANJESTAD (AAN): Un biaha mas, un ticket gratis cu a wordo genera door di e sistema di Lotto mes,
a duna un ciudadano un sorpresa agradable riba Diamars anochi, ora cu el a ripara cu su numbernan a sali pa e wega di Mini Mega.
Elvis ta un persona kende gusta cumpra su numbernan di Mini Mega. Recien el a bay na Lucky Ducky Lottery pa asina check su ticketnan cumpra anteriormente. E machine a ‘ring’ pa informa cu di un sorteo anterior, e ta ricibi un ‘free ticket’.
Awor a bin sali na cla, cu e ‘free ticket’ aki tabatin e numbernan 12, 19, 24, y 28, cu Megaball 14. Esey ta e numbernan cu Diamars anochi a sali pa sorteo.
Diaranson el a presenta na oficina di Lotto na Playa pa reclama su premio. Aki a scan e barcode di ticket, y e computer a confirma cu Elvis a gana 440.000 Florin di Mini Mega.
Pues un ticket completamente gratis a yude gana bon placa. E premio a wordo transferi electronicamente pa su cuenta di banco.
