ORANJESTAD (AAN): E awacero torencial cu a cay Diabierna den area di Piedra Plat y Paradera,
a ‘feed’ y alimenta e Dam di Rooi Afo cu hopi awa fresco di cielo, y por mira riba e potret aki cu el a bira bek basta yen.
E no a yega na un nivel super halto cu ta trece peligro, pero si ta na un capacidad cu pa awor lo haci agricultornan hopi feliz. Djis tin di bay eynan cu nan truck pa chupa awa, y asina muha tur nan matanan den cunucu.
Pero pa awor, cu e cantidad di yobida cu a cay ultimo simannan, tera ta bon muha y satura pa asina sostene crecimento di matanan pa algun tempo.
