ORANJESTAD (AAN): E oficina principal di Departamento di Asunto Social situa temporalmente na Belgiestraat 2 lo
muda back pa Caya Mario E. Harms 11 (Caya Ernesto Harms) entrante dialuna 6 di oktober 2025.
Esaki ta encera cu desde dialuna dia 6 di oktober 2025 no por acudi mas na Belgiestraat. E servicionan di Abogado Liber, Guia Social y Bijstand lo habri back pa tur cliente entrante diahuebs 9 di oktober 2025 na Caya Mario E. Harms 11, cu den pasado tabata conoci como Lagoenweg.
Si mester di asistencia durante dialuna 6 te cu diaranson 8 di oktober 2025, por acudi libremente na nos sucursal situa na MFA Noord of San Nicolas of por tuma contacto cu Departamento di Asunto Social na telefon 528-1110.
