Cumbrenan di Aruba Leadership y tambe Student Leadership Compass tabata exitoso

Tabatin dos cumbre recien na Aruba

ORANJESTAD (AAN): Dos cumbre teni recien na Aruba, esta e ‘Aruba Leadership Summit 2024’ y e ‘Student Summit: Leadership Compass’ a bira un gran exito! Participantenan a sali sumamente satisfecho y e motivacion ta na un nivel halto despues di e dos evento educativo y inspiracional cu nos fundacion, Aruba Center for Leadership Development Foundation, a organiza.

   Feedback Positivo: E organizadornan ta sumamente contento cu e feedback cu nos di e organizacion a haya cu ta hopi positivo. Participantenan a trece un nivel halto di entusiasmo y a participa na dialogonan constructivo durante e summit.

   A worde comparti hopi insights valioso cu por worde implementa di inmediato, algo cu nos ta honra pa ofrece pa tur lider y studiante presente.

  Cumbre di Studiantenan: E asina yama “Student Summit: Leadership Compass” a worde organiza pa un dia completo, y e studiante nan a sali cansá pero cu hopi informacion valioso cu nan por implementa den nan bida personal y como studiante.

   Oradornan manera Drs. Rishi Ramsoondar y Drs. Samuel Dumfries a asegura di duna e studiante nan hermentnan importante pa nan logra mas exito den nan studio.

   Di e colaboradornan den e Wellness Zone, participante a haya conoci cu importacia di un estilo di bida saludable y como e ta impacta nan rendimiento y bienestar total. Nos ta sumamente agradecido pa nan cooperacion y entrega pa haci e experiencia completo y beneficial pa tur.

    Impacto Inmediato pa Participantenan: E cumbrenan a ofrece e base di hermentnan practico pa trata pa desaroya lider, crecimiento personal y colaboracion intergeneracional, un topico cu hopi lider ta encontra un reta den nan bida professional.

   Organizadornan ta satisfecho di haya asina hopi comentarioy feedback positivo di participantenan cu a sinti e impacto inmediato di e hermentnan pa  enseñanza  ofreci y e insightnan ricibi den e session di training.

   Aruba Center for Leadership Development Foundation ta gradici tur colaboradornan, oradornan y patrocinadornan pa nan esfuerzo y sosten, y sin duda e resultadonan a confirma cu nos ta riba e caminda corecto pa sigui crece e comunidad di lidernan di Aruba.