Cuerpo Policial ta celebrando nan di 37 aniversario

Pesey nan ta celebra cu nan 'Korpsweek'

ORANJESTAD (AAN): Desde 1839 pa 1986 Aruba tabata dirigi pa organisacion policial Hulandes sigui pa Korps Politie Nederlandse Antillen. Un historia largo for di unda nos a cuminsa y pa unda nos ta awe. Hopi arubiano a traha pa KPNA t'e cu aña 31 deecember 1985.

            Na momento cu Aruba a drenta Status Aparte ariba 1 januari 1986 a haci e inicio di un organisacion policial nobo para riba su mesun pia y forsa. Poco menos cu 200 polis cu no tabata sigur e tempo ey cu KPA lo para duro riba su pia a dicidi di keda Aruba tog mientras cu hopi a bandona Aruba y a bay Curacao. Pero cu e curashi y balentia pa lanta un organisacion policial nobo no a bay facil pero cu determinacion, fe y confiansa KPA a cuminsa gatia y gara e forsa y confiansa y awe ta un organisacion bon organisa cu mas o menos 600 personal tanto polis y personal administrativo!

            E siman aki KPA ta conta un tiki con nan a cuminsa, con nan a gatia y con nan ta para fuerte awe como un organisacion policial grandi y capacita profesionalmente pa combati criminalidad!

            Dialuna a haci e apertura di Korpsweek pero alabes ta celebra e gran siman di nan aniversario. Un organisacion cu desde 1986 na momento cu Aruba a haya su Status Aparte a bira realidad.           

            E siman aki, Cuerpo di Polis Aruba lo ta celebrando cu diferente actividad. Masha pabien na Cuerpo Policial Aruba.