ORANJESTAD (AAN): Durante un siman di cursonan intensivo, Brandweer Aruba a cuminsa cu e proceso pa prepara seis miembro di Cuerpo di Bombero pa bira instructornan local di Brandweer.
E curso aki ta worde duna door di “Veiligheidsinstituut Nederland” y lo dura alrededor di un luna mas. Recientemente, e seis “bevelvoeders” di Brandweer Aruba a bula pa Curacao, caminda nan lo sigui ricibi e trainingnan necesario, pa por termina e curso.
E curso aki ta worde atendi hunto cu Cuerpo di Bombero di Curacao.
Ta importante pa remarca, cu esaki ta e prome biaha cu Aruba ta logra certifica instructornan local. Incluyendo e dos prome miembronan di Cuerpo di Bombero cu a logra caba e curso caba, Aruba lo tin ocho persona certifica como instructor, pa asina por prepara e siguiente grupo di hobennan cu lo bira bombero.
E dos personanan cu a logra termina e curso recientemente, a bay Curacao tambe pa asina haya “bjischoling” y asina ta actualisa riba e cursonan di instructor.
