Cu e Tema “Ekidad” CEDEHM a celebra Dia di Hende Muher enfocando riba e hende muher diferente

Yahaira Valdez, Coordinador di Proyecto, a splica:

ORANJESTAD (AAN)—Centro di Desaroyo di Hende Muher (CEDEHM) a celebra e Dia Internacional di Hende Muher, riba Dia Internacional al di Hende Muhe, dia 8 di Maart, na un forma no tradicional.

Yahaira Valdez, Coordinador di proyecto na CEDEHM, a splica DIARIO den un entrevista, cu e aña aki nan a dicidi di celebre na un otro manera, unda nan a haci combina cu un campaña, y nan tabata tin un bunita presentacion combina cu festeho na un MFA.

Esaki ta un exposicion di cuadro, traha pa varios  hende muher diferente di nos comunidad, y a scoge Ekidad, como tema pa 2023. “Sin ekidad bo no ta yega igualdad, y nos kier presenta e diferencia cu tin den nos hendenan muher, pero esey no mag stroba nos den participa den e sociedad di Aruba”, Valdez a expresa.

E exposicion aki lo wordo poni na tur MFA, cada luna den un di nan. E exposicion a wordo habri cu un show di moda den cual a presenta ken ta e damanan diferente tras di e exposicion interesante aki.

E idea ta pa e observadornan wak e diferencianan cu tin entre nos hendenan muher, segun Jahaira Valdez. Envez cu e cliente bay paga un cobranza na MFA sin wak nada rond, aworaki nan por mira den cada un e cuadranan cu nan historia, ken e hende muher ey ta na Aruba y kico nan ta haci pa participa den nos Sociedad.

Yahaira a splica cu e modelonan ta e hendenan muher cu ta tras di e exposicion. “Nos no kier lague solamente na un potret, pero nos kier mustra ken e persona ey ta, tras di e potret”, Valdez a reitera.

El a agrega cu nan ta duna e proyecto aki un bachi di celebracion, y asina nan a organiza e show di moda. Cu e tema nan lo drenta den bario y den KIA, pa trece concientizacion, kico CEDEHM ta haci pa e personanan cu ta diferente.