Crisis a raporta riba diamars solamente 15 caso nobo di Covid-19 y 227 caso activo

ORANJESTAD (AAN):  Segun resumen di diamars,  34 persona a recupera, mientras cu a registra un total di 15 caso nobo di Covid-19, di cual 1 ta no-residente.

            E cantidad total di testnan ehecuta dialuna na e diferente localidadnan na Aruba, entre otro laboratorio di hospital, laboratorionan priva y aeropuerto ta 525 test.

            'Positivity rate' entre residentenan ta 13%.

            Casonan activo ta 227 (187 residente). E cantidad di fayecido relaciona cu Covid-19 ta 98.

            Hospital a informa cu tin un total di 24 persona interna di cual 10 ta den Cuido Intensivo y 14 riba unidad general di covid.

            Locual a hala atencion di algun persona den exterior cu kier bishita Aruba ta cu e nivel di risico cu CDC di Merca ta asigna pa Aruba ta permanece na un nivel di 4, locual kiermen cu Aruba ta un nivel di risico halto y CDC ta recomenda pa no viaha pa e paisnan cu nivel 4.

            E mesun recomendacion ta aparece riba Travel.State.Gov unda ta recomenda pa no viaha pa Aruba pa motibo di e condicionnan relata na Covid-19.

            Mirando cu e casonan na Aruba ta bahando, e nivel aki asigna pa Aruba ta uno cu no ta coresponde cu e situacion actual, segun e reaccionnan cu DIARIO a ricibi.