×

Warning

JFolder: :files: Path is not a folder. Path: /home/diario18/public_html/images/Surella Croeze
×

Notice

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/Surella Croeze
General Hits: 745

Crèche y Traimerdia ta cay bao Centro di Cuido di Mucha, pero importante ta pa nan ta den e registro nacional na DMH y cumpli cu e regulacionnan stipula

General Hits: 745
Crèche y Traimerdia ta cay bao Centro di Cuido di Mucha, pero importante ta pa nan ta den e registro nacional na DMH y cumpli cu e regulacionnan stipula
General Hits: 745

Surella Croeze, Beleidsmedewerker DMH:

ORANJESTAD (AAN) – Den entrevista cu DIARIO, Surella Croeze, Beleidsmedewerker di Departamento di Mucha y Hoben, a enjoy  un Centro di Mucha situa na Hooiberg (caminda pa Santa Marta), cu ta un centro cu tin aproximadamente un aña of un aña y mey, ubica akinan, y cu ta un di e centronan di cuido di mucha, cu ta mas cerca di loke ta cumpli cu e ley, y tambe cu e manual cu tin tur e regulacionnan stipula, cu cada centro di mucha mester cumpli cu ne.

            El a splica cu en principio tin hopi nomber pa duna manera speelschool, crèche, of lugar pa wak pa mucha, pero nan ta mas tanto pa mucha di 0-4 a­ña.  Nan ta e muchanan cu ainda no ta bay scol, no ta leerplichter, anto DMH a opta pa bin cu e nomber di Centro di Cuido di Mucha, pasobra e ta categoriza mucha di 0-4 aña, pero tambe di 4-12, cu normalmente ta bay scol regular den dia  (basico) y ta leerplichter, pero parti atardi nan ta liber y ta bay traimerdia, cu awo tambe ta cay den Centro di Cuido di Mucha.

            “Pero importante pa nos ta cu 1: nan ta registra cerca nos na DMH, den e registro nacional y 2: pa nos sa kico nan ta ofrece. E nomber ta opcional, pasobra semper nan tabata tin esey. E ta keda na ki servicio nan kier duna, na ki edad. Nos ta bisa di 0 pa 4, pero ley ta bisa cu seis siman e muchanan por drenta un centro”, Surella a menciona. El a reitera cu e ta depende di kico e centro kier brinda, e necesidad cu tin den e mercado of e mayornan tin di dje.

            DMH tin atencion riba e bestaandsrecht (derecho di existencia) unda e centro ta ubica, teniendo cuenta cu e ley aki a dura como 30 aña prome cu a bin na vigor, y tin centronan cu ta existi 25 aña of mas, y no ta asina sin mas por yega haci cambionan eyden. Tin centronan cu por ta e bestaandsrecht no ta esun adecua pero nan ta trahando riba dje hunto cu e stakeholders, pa wak con por regla esaki pa no perhudica tampoco e centro di cuido di mucha, mirando cu ta un responsabilidad di un y tur y gobierno cu pa hopi aña no a presta atencion na esaki.

{gallery}Surella Croeze, Beleidsmedewerker DMH{/gallery}