Creando interes di muchanan den cosecha di pinda na Cunucu di Moonchi

ORANJESTAD (AAN): Esaki sigur ta tremendo cosecha di pinda na Cunucu di Moonchi na Coba Lodo.

Muchanan di kleuter, 1ste y 2de klas di Scol Amplio Nos Cosecha a yuda colecta y na mes momento amplia nan conocemento acerca di practicanan di agricultura.

   Ministro Ursell Arends encarga cu Sector Primario, a indica cu nan ta contento di mira Aruba su cunukeronan involucra nos muchanan y yuda inculca balor di plantamento den e proximo generacion.

   Scol Amplio Nos Cosecha ta ademas un Scol Preparatorio pa muchanan di 4 te 6 aña di edad, ta tambe un Centro di Cuido pa muchanan di 0 te cu 4 aña di edad.

   DIARIO a tuma nota cu ultimo temponan scolnan na Aruba, for di alumnonan di mas chikito te cu esnan di enseñansa avanza, ta enfocando nan mes hopi riba e Sector Primario pa asina haya mas interes y atencion pa cu e aspecto di agricultura y ta haya sa mas di plantamento.  Tin scolnan na Aruba cu ya ta cosechando fruta y berdura, y hasta yambo.