Segun Jayburtt Dijkhoff:
ORANJESTAD (AAN)- Jayburtt Dijkhoff, PhD di Fundacion SIKI, a splica tocante e costo di e contract cu Pais Aruba y SOGA a firma na aña 2013, pa renobacion y reconstruccion di Hospital dr. Horacio Oduber.
“Inicialmente, el a keda di costa 490 mil y pico miyon Florin, pero al fin y al cabo door di diferente circunstancia a bin 365 miyon acerca, e pandemia a bin meymey di dje tambe, a bin falta di cama, por a wak un bay bin entre e minister cu SOGA tocante e huur prijs tambe, pasobra mientras tanto nos ta wak cu Aruba ta pagando 2.7 miyon Florin pa luna, durante 29 aña, pa paga e renobacion di Hospital. Mi ta kere cu e suma a subi pasobra t’eynan e documentacion aki ta yega, y ta papiando di casi 40 miyon pa aña”, segun Jayburtt Dijkhoff ta relata.
El a señala cu nan no ta laga cay e palabra den tur e documentacion aki, pero el a reitera cu practicamente por bisa cu un monopolio a wordo crea.
