WILLEMSTAD - Corte Comun di Husticia di Aruba, Curaçao, Sint Maarten y Bonaire, Sint Eustatius y Saba a presenta su relato anual 2020 na publico durante un conferencia di prensa. Aña 2020 tabata e aña di e pandemia.
Pa Hurisdiccion esaki tambe tabata tin consecuencia. For di un angulo di enfoke positivo, e relato anual ta enfatisa riba e manera con Corte a maneha e situacion, pa asina e hurisdiccion por a continua den un forma adapta.
E relato anual ta enfoca riba diferente tema, manera e cantidad di caso den corte, huesnan local, informacion specifico di e diferente filialnan di Corte y tambe e situacion financiero di Corte.
Mescos cu e añanan anterior, a traha e relato anual digital di forma interactivo, cu entrevista, sentencia y videonan cortico cu ta contene informacion adicional.
