ORANJESTAD (AAN): E aña akí, Denise de Jongh-Rekwest a publiká un buki nobo, ‘Roxy, mi dushi bida’, Contá pa Roxy mes, su cacho di cas. ‘Roxy, Mi Dushi Bida’.
E storia ta den linea cu e tema di e Festival di Buki pa Mucha di e aña aki ‘Na mi Cas’. Denise kier haci muchanan mas consciente di cuido y atencion pa bestia di cas manera Roxy su cacho. Denise ta na Aruba e siman aki pa bishita diferente scol y conta storia.
Denise de Jongh-Rekwest a nace na Corsow, tin laso familiar cu Aruba y ta biba pa basta aña na Bonaire. Denise tin un yiu muher, Kaylee, su inspiracion pa su serie di buki di Kaylee. Despues di studia y traha den turismo, el a lanta su propio negoshi di Training & Consultancy. E ta duna diferente training, entre otro di servicio, comunicacion, teambuilding y etiketa. E training di mas popular ta esun di etiketa. Na aña 2008, Denise a skirbi i publiká su prome buki di etiketa pa mucha esta Kaylee y su primonan cu vakantie na Corsow. Tin cuater buki den e serie di Kaylee y dos luisterboek na Papiamentu y Hulandes.
Na 2010 su buki di streep, ‘Gino y Gina, amigo di curason’ a sali como buki di regalo na Aruba en conexion cu Festival di Buki pa Mucha. Denise a skirbi y publica te cu awor 18 buki di su mes. Tambe el a publica 20 buki pa diferente otro autor y instancia di Aruba, Bonaire, Cosow y Hulanda via Request Publishing, su propio editorial. Denise sa participa na e diferente simannan di buki pa mucha na Aruba, Bonaire y Corsow. Ademas di skirbi buki pa mucha, Denise ta gusta lesa buki, fotografia y pinta.
