MARACAIBO: E volumen di refresco ilegal cu ta drentando Venezuela via Colombia, tanto cruzando frontera via estadonan Zulia y Tachira,
ta poniendo na riesgo e mas di 6.500 cupo di trabao directo y mas di 32.500 cupo di trabao indirecto cu e industria venezolano di refresco ta generando.
Carlos Palumbo, kende ta director ehecutivo di e Asociacion Nacional di Bebidanan Refrescante (Anber), a confirma cu aworaki mas di 2.100.000 caha di cola preto ta drenta tur luna sin cu nan ta cumpli cu controlnan y normanan sanitario, di etiketa, etc. Sin cu nan ta contribui cu e pago di impuesto di importacion y demas impuesto cu esnan na Venezuela si ta cumpliendo cune.
Nan ta haya cu e productonan di Colombia ta competi inhustamente, poniendo na riesgo e ganashi y produccion economico y continuidad di operacion di e plantanan na Venezuela. E alerta aki a sali debi cu ta parce cu ya caba e refresconan Colombiano a capta 25% di mercado di e pais bisiña.
