ORANJESTAD (AAN): Na Fundacion Dominicana Arubanse Juan Pablo Duarte, na final di exitoso Curso di Papiamento, a tuma lugar e tradicional ceremonia.
Esaki ta pa entrega di Certificado di participacion di Curso di Papiamento. E lesnan a ser duna pa docente Gregori Matilda.
DIARIO a compronde di e Fundacion, cu nan lo sigui duna mas di e tipo di cursonan aki na comunidad. Di e forma ey nan ta yuda cu educacion di personanan den pueblo cu tin deseo pa por comunica mas facil na Papiamento.
Fundacion Dominicana Arubanse Juan Pablo Duarte tambe kier a felicita e cursistanan cu a ricibi nan certificado, y ta desea nan tur clase di exito. Tambe Fundacion ta hopi agradeci na docente Matilda pa e yudansa.
