ORANJESTAD (AAN) -- E consul general di Republica Dominicana, señor Luis Eludis Perez, a gradici prensa di Aruba cu a haci acto di presencia durante e acto senciyo pero emotivo, pa celebra e Dia di Independencia di su pais.
Señor Luis Perez a expresa cu e dominicanonan residente na Aruba, e Isla di e felicidad, a dicidi honra Republica Dominicana den e Dia di su Independencia.
El a mustra contento cu residentenan Dominicano di tur tendencia politico, a presenta na e Plaza Juan Pablo Duarte. Dominicanonan di tur estrato social, “Dominicanos de arriba, de abajo y del medio” cu tin como unico bandera, e bandera tricolor di Republica Dominicana. Na margen di e diferencianan politico y di cualkier otro tipo, a dicidi di ta presente pa asina tur hunto conmemora e glorioso fecha di Independencia di Republica Dominicana.
E consul Luis Eludis Perez, a reitera su palabranan di gratitud, cu a acompaña nan den e grandioso actividad aki.
https://diario.aw/categories/noticia/general/consul-di-republica-dominicana-contento-di-a-conmemora-un-ana-mas-di-e-independencia-di-su-pais#sigProIdcd3edd1ac7
