Conservacion di naturalesa na fondo di lama ta sigui

ORANJESTAD (AAN): Aña 2024 por ta cabando, pero conservacion di naturalesa no ta conoce descanso. 

Boluntarionan ta sigui traha pa proteha e lugar cu ta yama ‘nos cas’, ta exigi hopi pasion, colaboracion, y compromiso.  E atencion na e detayenan chikito ta haci tur e diferencia.

   Den e ultimo dianan, nos ranger marino y stagiairenan ta trahando duro pa monitorea e condicion di e coralnan cu a wordo transplanta riba e rifnan artificial cu ta localisa den Parke Marino Aruba.

   Como parti di e proyecto di 'Turning the Tide', funda pa e programa di Union Europeo, ‘Resembid’, a logra instala 400 MARRS y 13 MOSES reefs cu ta structuranan di rif artificial pa restaura coral y duna sosten na e biodiversidad marino. Esaki a wordo haci den colaboracion cu partnernan local ScubbleBubbles Foundation y Universidad di Aruba.

   E coralnan ta constantemente bao di presion y restauracion no ta solamente un esfuerso sino un necesidad pa sigura cu e sistema ecologiconan vital por prospera.  Hunto, ta bay sigi traha pa mehora Aruba su bida marino.

   Potretnan aki pa cortesia di Aruba Conservation Foundation.