Prome Minister Evelyn Wever-Croes:
ORANJESTAD (AAN): Diamars 23 di augustus, Conseho di Minister a ricibi bishita di Comandante nobo di Marinierskazerne, Luitenant-kolonel der mariniers T.A.H. Van Wijk. Durante e reunion a delibera riba e diferente tema di colaboracion entre Gobierno di Aruba y Marinierskazerne y riba e posicion strategico di Marinierskazerne na Aruba y con Marinierskazerne por yuda den aumenta siguridad.
Marinierskazerne ta percura tambe pa traha riba e ser humano mas hopi cu por como tambe den e area di naturalesa y e aspecto di conservacion di naturalesa.
A toca e tema di e actividadnan publico den Marinierskazerne pa asina pueblo por cera conoci miho cu loke Marinierskazerne ta haci pa y den nos comunidad. E posicion di Arumillers tambe a haya atencion den reunion cu Comandante van Wijk.
Un tema hopi interesante y cu Prome Minister Evelyn Wever-Croes a expresa di ta uno hopi importante pe, ta e tema di e programa Sociaal Vormings Traject SVT cu ta un programa di formacion social specialmente di e trayecto pa hende muhe.
“Mi ta felicita Commandant van Wijk hopi exito cu su funcion nobo. Y ta desee exito den e trayecto nobo aki den su carera na Aruba. Mi ta sigur cu e temporada nos dilanti tambe, e cooperacion ta bay ta hopi estrecho”, Prome Minister Evelyn Wever-Croes a duna di conoce.
