El a fayece cu 103 aña di edad
ORANJESTAD (AAN): E ta sin duda un di e damanan cu ta mas reconocibel via medio di comunicacion na Aruba! E cara di Mai a bira uno cu a haya hopi cariño, tur biaha cu publico mir’e ta actua den e propagandanan di D.A.L. Pest Control.
E ta esun cu den e spotnan aki di TV, tabata bisa su yiu homber pa e bin “bin mi sunchi bo cabes”.
Diaranson mianta, e informacion lamentable a drenta cu Supriana Luciana-Maduro a fayece, cu e edad respeta di 103 aña di edad. E ta conoci pa tur hende y tambe pa henter Aruba como ‘Mai’, cu sea ta hole y sunchi cabes di su yiu den tur propaganda.
Famianan semper a describi Mai como un señora respeta, cu tin un curazon di oro, y stima tur su 9 yiunan, y nietonan.
Na famianan di Mai, DIARIO ta manda su mas profundo palabra di condolencia.
