ORANJESTAD (AAN): Riba Diamars 31 di October (Aruba), Diaranson 1 di November (Curaçao), y Diabierna 3 di November (Bonaire),
lo tuma lugar e Congreso Nacional di Educacion cu lo ta yen inspiracion y interactivo. E congreso ta un plataforma pa profesionalnan di enseñansa y cuido di mucha, y ta ofrece espacio pa conocemento, encuentro, inspiracion, y experiencia.
E tema di e conferencia lo ta: “Vakmanschap is meesterschap”.
Un profesional cualifica di enseñansa y esnan cu ta cuida mucha, sa con pa duna les na muchanan y aki tin un combinacion con bo ta duna les y duna guia. E habilidad ta necesario pa asina duna e linea di les haya forma, con pa desaroya lesnan, y forma muchanan den nan desaroyo.
Pero hasta cu añanan di duna les y experiencia, ainda no ta logra haya e dominio.
E biaha aki, Jeroen Rougoor, kende ta traha pa Rolf Groep y ta organisador di e evento aki, a duna un declaracion: “E berdadero profesional ta distingui su mes door di curiosidad y motivacion pa sigui educa su mes y mehora den su profesion. Dominio di e trabao no ta trata di e punto final, sino di e caminda pa yega na dje. Nos ta feliz di yudabo den e caminda aki cu e Congreso Nacional di Educacion di Caribe.”
Despues di discurso di bon bini, lo cuminza cu varios tayer inspirador y dirigi riba practica. E participantenan mes lo bay pone un programa varia y educativo.
Ademas di e tayernan, tin espacio pa discuti e ultimo tendencianan, desaroyo, inovacion, y e ultimo productonan den educacion y atencion cu e coleganan y oradornan. Detaye na:
E Congreso aki na Aruba lo ta Diamars 31 di October, na Colegio Arubano na Vondellaan. E ta cuminza pa 1:30 pm cu registro, y lo finalisa pa 5:00 pm.
