ORANJESTAD (AAN): Dina Alexander, 'Intimacy & Relationship coach', ta un di tres orador durante congreso organiza pa Comision Vision Pedagogico, titula 'Cende e Chispa di bo Relacion'.
El a indica cu hopi hende ta puntra kico un 'Intimacy & Relationship coach' ta y el a splica cu e ta haya cu intimidad no tin educacion p’e. Intimidad ta muri cu e trabaonan di 9 pa 5, y sigur cu stress.
Segun Alexander, intimidad ta algo hopi importante. Den un relacion y si un persona no sa con pa tin intimidad cu su mes, nunca e lo por intimidad cu su pareha.
Durante e congreso, e lo papia un tiki riba e chispa. Alexander a bisa cu e no ta kere den divorcio, pero cu tin solucion pa tur cos. Hende mester educa nan mes. Segun un sondeo, na Merca, 20% di divorcio ta pasobra sexualmente no tin educacion.
E ta kere cu e reto mas grandi entre parehanan ta cu nan no conoce nan mes, hopi biaha pornografia ta educa hende riba sexualidad y intimidad, pero esey no tin nada di haber cu intimidad.
Alexander ta invita comunidad pa participa den e congreso cu lo tuma luga dia 3 di september na Renaissance Convention Center di 9'or di mainta te cu 4'or di atardi y ta completamente gratis.
