Comunidad Hindu na Aruba ta celebra 75 aña di independencia di nan pais

"We love Aruba, we love India"

ORANJESTAD (AAN):  Presidente di Indian Association of Aruba, bon conoci den comunidad como Henry, a splica cu den fin di siman, e comunidad Hindu residente na Aruba a celebra 75 aña di independencia di India.

            El a bisa cu tin personanan cu a haci Aruba nan cas y nan comunidad ta akinan for di 90 anja pasa. El a expresa cu nan ta di India, pero nan tambe ta stima Aruba.

            Esnan presente a bisa den coro: "We love Aruba, we love India".

            Nan a celebra e dia aki tambe cu un parada di auto cu a sali for di KeKe Departament Store na Cura Cabai y a finalisa na California Lighthouse.

            Den oranan di atardi a tene un celebracion hunto. E dia di independencia di India ta awe 15 di Augustus, pero e comunidad Hindu aki na Aruba a dicidi di celebra e dia aki riba diadomingo hunto cu pueblo.